കലിയുഗരാജസൂയമെന്നു വിശേഷിപ്പിക്കപ്പെടുന്ന അഖിലഭാരത ശ്രീമദ് ഭാഗവത മഹാസത്രം 2024 മാർച്ച് 31 മുതൽ ഏപ്രിൽ 11 വരെ തിരുവല്ല, കാവുംഭാഗം, ആനന്ദേശ്വരം ശിവക്ഷേത്രത്തിൽ നടത്തുകയാണ്.ഗുരുവായൂർ ആസ്ഥാനമായുള്ള ശ്രീമദ് ഭാഗവത സത്രസമിതിയുടെ മേൽനോട്ടത്തിൽ ഭാരതത്തിന്റെ വിവിധഭാഗങ്ങളിൽ നടത്തുന്ന 40-ാമത് മഹായജ്ഞമാണിത്.

12 ദിവസങ്ങളിലായി ശ്രീവല്ലഭപുരിയെ മഥുരാപുരിയാക്കുന്ന ഈ മഹായജ്ഞത്തിൽ ഭാഗവതോത്തമന്മാരായ ആചാര്യന്മാരുടെ സമ്പൂർണ്ണ ശ്രീമദ് ഭാഗവത പാരായണവും 120 തിലധികം പണ്ഡിതശ്രേഷ്‌ഠന്മാരുടെ പ്രഭാഷണങ്ങളും
ജിജ്ഞാസുക്കളെ ഭഗവത് ചൈതന്യത്തിൻ്റെ ഉന്നതിയിലെത്തിയ്ക്കുന്നു.
താന്ത്രികശ്രേഷ്ഠന്മാരുടെ കാർമ്മികത്വത്തിൽ മഹാഗണപതിഹോമവും മറ്റു വിശിഷ്ടങ്ങളായ ഹവനങ്ങളും വിശേഷാൽ പൂജകളും യജ്ഞശാലയിലും ക്ഷേത്രത്തിലും നടക്കും.